अध्याय 278: लक्ष्मण का उपहास, जनक का भय

मैं तुम्हार अनुचर मुनिराया । परिहरि कोप करिय अब दाया ॥
टूट चाप नहिँ जुरहि रिसाने । बैठिअ होइहिं पाय पिराने ॥

maiṃ tumhāra anucara munirāyā | parihari kopa kariya aba dāyā ||
ṭūṭa cāpa nahim̐ jurahi risāne | baiṭhia hoihiṃ pāya pirāne ||

जौँ अति प्रिय तौ करिय उपाई । जोरिअ कोउ बड़ गुनी बोलाई ॥
बोलत लखनहिं जनक डेराहीं । मष्ट करहु अनुचित भल नाहीँ ॥

jaum̐ ati priya tau kariya upāī | joria kou bar̤a gunī bolāī ||
bolata lakhanahiṃ janaka ḍerāhīṃ | maṣṭa karahu anucita bhala nāhīm̐ ||

थर थर कापहिँ पुर-नर-नारी । छोट कुमार खोट अति भारी ॥
भृगुपति सुनि सुनि निर्भय बानी । रिस तनु जरइ होइ बल हानी ॥

thara thara kāpahim̐ pura-nara-nārī | choṭa kumāra khoṭa ati bhārī ||
bhṛgupati suni suni nirbhaya bānī | risa tanu jarai hoi bala hānī ||

बोले रामहि देइ निहोरा । बचउँ बिचारि बन्धु लघु तोरा ॥
मन-मलीन तन सुन्दर कैसें । बिष-रस-भरा कनक-घट जैसे ॥

bole rāmahi dei nihorā | bacaum̐ bicāri bandhu laghu torā ||
mana-malīna tana sundara kaiseṃ | biṣa-rasa-bharā kanaka-ghaṭa jaise ||