अध्याय 276: गुरुऋण पर लक्ष्मण का ताना

कहेउ लखन मुनि सील तुम्हारा । को नहिं जान बिदित संसारा ॥
माता पितहि उरिन भये नीकें । गुरु रिन रहा सोच बड़जी के ॥

kaheu lakhana muni sīla tumhārā | ko nahiṃ jāna bidita saṃsārā ||
mātā pitahi urina bhaye nīkeṃ | guru rina rahā soca bar̤ajī ke ||

सो जनु हमरेहि माथे काढ़ा । दिन चलि गए ब्याज बहु बाढ़ा ॥
अब आनिअ ब्यवहरिआ बोली । तुरत देउँ मैं थैली खोली ॥

so janu hamarehi māthe kār̤hā | dina cali gae byāja bahu bār̤hā ||
aba ānia byavahariā bolī | turata deum̐ maiṃ thailī kholī ||

सुनि कटु-बचन कुठार सुधारा । हाय हाय सब सभा पुकारा ॥
भृगुबर परसु देखावहु मोही । विप्र बिचारि बचउँ नृपद्रोही ॥

suni kaṭu-bacana kuṭhāra sudhārā | hāya hāya saba sabhā pukārā ||
bhṛgubara parasu dekhāvahu mohī | vipra bicāri bacaum̐ nṛpadrohī ||

मिले न कबहुँ, सुभट रन गाढ़े । द्विज-देवता घरहिँ के बाढ़े ॥
अनुचित कहिं सब लोग पुकारे । रघुपति सयनहिँ लखन निवारे ॥

mile na kabahum̐, subhaṭa rana gār̤he | dvija-devatā gharahim̐ ke bār̤he ||
anucita kahiṃ saba loga pukāre | raghupati sayanahim̐ lakhana nivāre ||