अध्याय 277: श्रीराम छोटे भाई के लिए विनय करते हैं

नाथ करहु बालक पर छोहू । सूध दूध-मुख करिय न कोहू ॥
जौँ पै प्रभु प्रभाउ कछु जाना । ता कि बराबरि करइ अयाना ॥

nātha karahu bālaka para chohū | sūdha dūdha-mukha kariya na kohū ||
jaum̐ pai prabhu prabhāu kachu jānā | tā ki barābari karai ayānā ||

जौँ लरिका कछु अचगरि करहीँ । गुरु पितु मातु मोद मन भरहीं ॥
करिय कृपा सिसु सेवक जानी । तुम्ह सम सील धीर मुनि ज्ञानी ॥

jaum̐ larikā kachu acagari karahīm̐ | guru pitu mātu moda mana bharahīṃ ||
kariya kṛpā sisu sevaka jānī | tumha sama sīla dhīra muni jñānī ||

राम बचन सुनि कछुक जुड़ाने । कहि कछु लखन बहुरि मुसुकाने ॥
हँसत देखि नख-सिख रिस ब्यापी । राम तोर भ्राता बड़ पापी ॥

rāma bacana suni kachuka jur̤āne | kahi kachu lakhana bahuri musukāne ||
ham̐sata dekhi nakha-sikha risa byāpī | rāma tora bhrātā bar̤a pāpī ||

गौर शरीर स्याम मन माहीं । कालकूट-मुख पय-मुख नाहीं ॥
सहज टेढ़ अनुहरइ न तोही । नीच मीच सम देख न माही ॥

gaura śarīra syāma mana māhīṃ | kālakūṭa-mukha paya-mukha nāhīṃ ||
sahaja ṭer̤ha anuharai na tohī | nīca mīca sama dekha na māhī ||