अध्याय 260: सबका बोझ धनुष रूपी जहाज पर

दिसकुंजरहु कमठ अहि कोला । धरहु धरनि धरि धीर न डोला ॥
राम चहहिँ सङ्कर धनु तोरा । होहु सजग सुनि आयसु मोरा ॥

disakuṃjarahu kamaṭha ahi kolā | dharahu dharani dhari dhīra na ḍolā ||
rāma cahahim̐ saṅkara dhanu torā | hohu sajaga suni āyasu morā ||

चाप समीप राम जब आये । नर नारिन्ह सुर सुकृत मनाये ॥
सब कर संसय अरु अज्ञानू । मन्द महीपन्ह कर अभिमानू ॥

cāpa samīpa rāma jaba āye | nara nārinha sura sukṛta manāye ||
saba kara saṃsaya aru ajñānū | manda mahīpanha kara abhimānū ||

भृगुपति केरि गरब गरुआई । सुर-मुनिबरन्ह केरि कदराई ॥
सिय कर सोच जनक पछितावा । रानिन्ह कर दारुन-दुख-दावा ॥

bhṛgupati keri garaba garuāī | sura-munibaranha keri kadarāī ||
siya kara soca janaka pachitāvā | rāninha kara dāruna-dukha-dāvā ||

सम्भु-चाप बड़ बोहित पाई । चढ़े जाइ सब सङ्ग बनाई ॥
राम-बाहुबल, सिन्धु अपारू । चहत पार नहिँ कोउ कड़हारू ॥

sambhu-cāpa bar̤a bohita pāī | car̤he jāi saba saṅga banāī ||
rāma-bāhubala, sindhu apārū | cahata pāra nahim̐ kou kar̤ahārū ||