अध्याय 259: सीता का प्रेम-प्रण और लक्ष्मण की पुकार

गिरा-अलिनि मुख पङ्कज रोकी । प्रगट न लाज-निसा अवलोकी ॥
लोचन जल रह लोचन कोना । जैसे परम कृपन कर सोना ॥

girā-alini mukha paṅkaja rokī | pragaṭa na lāja-nisā avalokī ||
locana jala raha locana konā | jaise parama kṛpana kara sonā ||

सकुची ब्याकुलता बड़ि जानी । धरि धीरज प्रतीति उर आनी ॥
तन मन बचन मोर पन साँचा । रघुपति पद सरोज चित राचा ॥

sakucī byākulatā bar̤i jānī | dhari dhīraja pratīti ura ānī ||
tana mana bacana mora pana sām̐cā | raghupati pada saroja cita rācā ||

तौ भगवान सकल उर बासी । करिहहिँ मोहि रघुपति के दासी ॥
जेहि कें जेहि पर सत्य सनेहू । सो तेहि मिलइ न कछु सन्देहू ॥

tau bhagavāna sakala ura bāsī | karihahim̐ mohi raghupati ke dāsī ||
jehi keṃ jehi para satya sanehū | so tehi milai na kachu sandehū ||

प्रभु तन चितइ प्रेम पन ठाना । कृपानिधान राम सब जाना ॥
सियहि बिलोकि तकेउ धनु कैसे । चितव गरुड़ लघु ब्यालहि जैसे ॥

prabhu tana citai prema pana ṭhānā | kṛpānidhāna rāma saba jānā ||
siyahi biloki takeu dhanu kaise | citava garur̤a laghu byālahi jaise ||