अध्याय 258: पिता के प्रण पर सीता की व्यथा

नीकें निरखि नयन भरि सोभा । पितु-पनु सुमिरि बहुरि मन छोभा ॥
अहह तात दारुनि हठ ठानी । समुझत नहिँ कछु लाभ न हानी ॥

nīkeṃ nirakhi nayana bhari sobhā | pitu-panu sumiri bahuri mana chobhā ||
ahaha tāta dāruni haṭha ṭhānī | samujhata nahim̐ kachu lābha na hānī ||

सचिव सभय सिख देइ न कोई । बुध-समाज बड़ अनुचित होई ॥
कहँ धनु कुलिसहु चाहि कठोरा । कहँ स्यामल मृदु-गात-किसोरा ॥

saciva sabhaya sikha dei na koī | budha-samāja bar̤a anucita hoī ||
kaham̐ dhanu kulisahu cāhi kaṭhorā | kaham̐ syāmala mṛdu-gāta-kisorā ||

बिधि केहि भाँति धरउँ उर धीरा । सिरस सुमन कन बेधिअ हीरा ॥
सकल सभा के मति भइ भोरी । अब मोहि सम्भुचाप गति तोरी ॥

bidhi kehi bhām̐ti dharaum̐ ura dhīrā | sirasa sumana kana bedhia hīrā ||
sakala sabhā ke mati bhai bhorī | aba mohi sambhucāpa gati torī ||

निज जड़ता लोगन्ह पर डारी । होहि हरुअ रघुपतिहि निहारी ॥
अति परिताप सीय मन माहीँ । लव निमेष जुग सब सय जाहीँ ॥

nija jar̤atā loganha para ḍārī | hohi harua raghupatihi nihārī ||
ati paritāpa sīya mana māhīm̐ | lava nimeṣa juga saba saya jāhīm̐ ||