अध्याय 255: श्रीराम धनुष की ओर चले, रानी चिंतित

नृपन्ह केरि आसा निसि नासी । बचन नखत अवली न प्रकासी ॥
मानी महिप कुमुद सकुचाने । कपटी भूप उलूक लुकाने ॥

nṛpanha keri āsā nisi nāsī | bacana nakhata avalī na prakāsī ||
mānī mahipa kumuda sakucāne | kapaṭī bhūpa ulūka lukāne ||

भये बिसोक कोक मुनि देवा । बरषहिँ सुमन जनावहिँ सेवा ॥
गुरु-पद बन्दि सहित अनुरागा । राम मुनिन्ह सन आयसु माँगा ॥

bhaye bisoka koka muni devā | baraṣahim̐ sumana janāvahim̐ sevā ||
guru-pada bandi sahita anurāgā | rāma muninha sana āyasu mām̐gā ||

सहजहिँ चले सकल जग स्वामी । मत्त मञ्जु बर कुञ्जर-गामी ॥
चलत राम सब पुर नर नारी । पुलक-पूरि-तन भये सुखारी ॥

sahajahim̐ cale sakala jaga svāmī | matta mañju bara kuñjara-gāmī ||
calata rāma saba pura nara nārī | pulaka-pūri-tana bhaye sukhārī ||

बन्दि पितर सुर सुकृत सँभारे । जौँ कछु पुन्य प्रभाउ हमारे ॥
तौ सिव धनु मृनाल की नाँई । तोरहुँ राम गनेस गोसाँई ॥

bandi pitara sura sukṛta sam̐bhāre | jaum̐ kachu punya prabhāu hamāre ||
tau siva dhanu mṛnāla kī nām̐ī | torahum̐ rāma ganesa gosām̐ī ||