अध्याय 253: श्रीराम के आगे लक्ष्मण का प्रण

रघुबंसिन्ह महँ जहँ कोउ होई । तेहिं समाज अस कहइ न कोई ॥
कही जनक जसि अनुचित बानी । बिद्यमान रघुकुल-मनि जानी ॥

raghubaṃsinha maham̐ jaham̐ kou hoī | tehiṃ samāja asa kahai na koī ||
kahī janaka jasi anucita bānī | bidyamāna raghukula-mani jānī ||

सुनहु भानुकुल-पङ्कज भानू । कहउँ सुभाउ न कछु अभिमानू ॥
जौँ तुम्हार अनुसासन पावउँ । कन्दुक इव ब्रह्मांड उठावौं ॥

sunahu bhānukula-paṅkaja bhānū | kahaum̐ subhāu na kachu abhimānū ||
jaum̐ tumhāra anusāsana pāvaum̐ | kanduka iva brahmāṃḍa uṭhāvauṃ ||

काचे घट जिमि डारौं फोरी । सकउँ मेरु मूलक इव तोरी ॥
तव प्रताप महिमा भगवाना । को बापुरो पिनाक पुराना ॥

kāce ghaṭa jimi ḍārauṃ phorī | sakaum̐ meru mūlaka iva torī ||
tava pratāpa mahimā bhagavānā | ko bāpuro pināka purānā ||

नाथ जानि अस आयसु होऊ । कौतुकु करौँ बिलोकिअ सोऊ ॥
कमल नाल जिमि चाफ चढ़ावौं । जोजन सत प्रमान लै धावौं ॥

nātha jāni asa āyasu hoū | kautuku karaum̐ bilokia soū ||
kamala nāla jimi cāpha car̤hāvauṃ | jojana sata pramāna lai dhāvauṃ ||