अध्याय 250: प्रण की घोषणा और राजाओं के विफल प्रयास

नृप-भुजबल-बिधु सिव-धनु-राहू । गरुअ कठोर बिदित सब काहू ॥
रावन बान महाभट भारे । देखि सरासन गवँहिं सिधारे ॥

nṛpa-bhujabala-bidhu siva-dhanu-rāhū | garua kaṭhora bidita saba kāhū ||
rāvana bāna mahābhaṭa bhāre | dekhi sarāsana gavam̐hiṃ sidhāre ||

सोइ पुरारि-कोदंड कठोरा । राज-समाज आजु जोइ तोरा ॥
त्रिभुवन-जय-समेत बैदेही । बिनहिँ बिचार बरइ हठि तेही ॥

soi purāri-kodaṃḍa kaṭhorā | rāja-samāja āju joi torā ||
tribhuvana-jaya-sameta baidehī | binahim̐ bicāra barai haṭhi tehī ||

सुनि पन सकल भूप अभिलाखे । भट मानी अतिसय मन माखे ॥
परिकर बाँधि उठे अकुलाई । चले इष्टदेवन्ह सिर नाई ॥

suni pana sakala bhūpa abhilākhe | bhaṭa mānī atisaya mana mākhe ||
parikara bām̐dhi uṭhe akulāī | cale iṣṭadevanha sira nāī ||

तमकि ताकि तकि सिव-धनु धरहीँ । उठइ न कोटि भाँति बल करहीँ ॥
जिन्ह के कछु बिचार मन माहीँ । चाप समीप महीप न जाहीँ ॥

tamaki tāki taki siva-dhanu dharahīm̐ | uṭhai na koṭi bhām̐ti bala karahīm̐ ||
jinha ke kachu bicāra mana māhīm̐ | cāpa samīpa mahīpa na jāhīm̐ ||