अध्याय 249: पुरवासियों की प्रार्थना और जनक के प्रण की घोषणा

राम रूप अरु सिय छबि देखें । नर नारिन्ह परिहरीं निमेखे ॥
सोचहिँ सकल कहत सकुचाहीँ । बिधि सन बिनय करहिँ मन माहीं ॥

rāma rūpa aru siya chabi dekheṃ | nara nārinha pariharīṃ nimekhe ||
socahim̐ sakala kahata sakucāhīm̐ | bidhi sana binaya karahim̐ mana māhīṃ ||

हरु बिधि बेगि जनक जड़ताई । मति हमारि असि देहि सुहाई ॥
बिनु बिचार पन तजि नरनाहु । सीय राम कर करइ बिबाहू ॥

haru bidhi begi janaka jar̤atāī | mati hamāri asi dehi suhāī ||
binu bicāra pana taji naranāhu | sīya rāma kara karai bibāhū ||

जग भल कहिहि भाव सब काहू । हठ कीन्हे अंतहुँ उर दाहू ॥
एहिं लालसाँ मगन सब लोगू । बर साँवरो जानकी जोगू ॥

jaga bhala kahihi bhāva saba kāhū | haṭha kīnhe aṃtahum̐ ura dāhū ||
ehiṃ lālasām̐ magana saba logū | bara sām̐varo jānakī jogū ||

तब बन्दीजन जनक बोलाये । बिरिदावली कहत चलि आये ॥
कह नृप जाइ कहहु पन मोरा । चले भाट हियँ हरष न थोरा ॥

taba bandījana janaka bolāye | biridāvalī kahata cali āye ||
kaha nṛpa jāi kahahu pana morā | cale bhāṭa hiyam̐ haraṣa na thorā ||