अध्याय 25: ब्रह्म और राम दोनों से बड़ा नाम

राम सुकंठ बिभीषन दोऊ । राखे सरन जान सब कोऊ ॥
नाम गरीब अनेक नेवाजे । लोक बेद बर बिरद बिराजे ॥

rāma sukaṃṭha bibhīṣana doū | rākhe sarana jāna saba koū ||
nāma garība aneka nevāje | loka beda bara birada birāje ||

राम भालु-कपि-कटक बटोरा । सेतु-हेतु स्रम कीन्ह न थोरा ॥
नाम लेत भव-सिन्धु सुखाहीं । करहु विचार सुजन मन माहीं ॥

rāma bhālu-kapi-kaṭaka baṭorā | setu-hetu srama kīnha na thorā ||
nāma leta bhava-sindhu sukhāhīṃ | karahu vicāra sujana mana māhīṃ ||

राम सकुल-रन-रावन मारा । सीय सहित निज-पुर पग धारा ॥
राजा राम अवध रजधानी । गावत गुन सुर-मुनि-बर-बानी ॥

rāma sakula-rana-rāvana mārā | sīya sahita nija-pura paga dhārā ||
rājā rāma avadha rajadhānī | gāvata guna sura-muni-bara-bānī ||

सेवक सुमिरत नाम सप्रीती । बिनु श्रम प्रबल मोह दल जीती ॥
फिरत सनेहँ-मगन सुख अपनें । नाम प्रसाद सोच नहिँ सपनें ॥

sevaka sumirata nāma saprītī | binu śrama prabala moha dala jītī ||
phirata saneham̐-magana sukha apaneṃ | nāma prasāda soca nahim̐ sapaneṃ ||