अध्याय 24: राम ने जो किया, नाम ने उससे अधिक

राम भगत हित नर तनु धारी । सहि सङ्कट किए साधु सुखारी ॥
नाम सप्रेम जपत अनयासा । भगत होहिँ मुद मङ्गल बासा ॥

rāma bhagata hita nara tanu dhārī | sahi saṅkaṭa kie sādhu sukhārī ||
nāma saprema japata anayāsā | bhagata hohim̐ muda maṅgala bāsā ||

राम एक तापस तिय तारी । नाम कोटि खल कुमति सुधारी ॥
रिषि हित राम सुकेतुसुता की । सहित सेन सुत कीन्ह बिबाकी ॥

rāma eka tāpasa tiya tārī | nāma koṭi khala kumati sudhārī ||
riṣi hita rāma suketusutā kī | sahita sena suta kīnha bibākī ||

सहित दोष-दुख दास दुरासा । दलइ नाम जिमि रबि निसि नासा ॥
भञ्जेउ राम आपु भव चापू । भव-भय-भञ्जन नाम-प्रतापू ॥

sahita doṣa-dukha dāsa durāsā | dalai nāma jimi rabi nisi nāsā ||
bhañjeu rāma āpu bhava cāpū | bhava-bhaya-bhañjana nāma-pratāpū ||

दंडक बन प्रभु कीन्ह सुहावन । जन-मन-अमित नाम किए पावन ॥
निसिचर-निकर दले रघुनन्दन । नाम सकल-कलि-कलुष निकन्दन ॥

daṃḍaka bana prabhu kīnha suhāvana | jana-mana-amita nāma kie pāvana ||
nisicara-nikara dale raghunandana | nāma sakala-kali-kaluṣa nikandana ||