अध्याय 245: धनुष को लेकर राजाओं में विवाद

प्रभुहि देखि सब नृप हिय हारे । जनु राकेस उदय भये तारे ॥
अस प्रतीति सब के मन माहीँ । राम चाप तोरब सक नाहीँ ॥

prabhuhi dekhi saba nṛpa hiya hāre | janu rākesa udaya bhaye tāre ||
asa pratīti saba ke mana māhīm̐ | rāma cāpa toraba saka nāhīm̐ ||

बिनु भंजेहुँ भव-धनुष विसाला । मेलिहि सीय राम उर माला ॥
अस बिचारि गवनहु घर भाई । जस प्रताप बल तेज गवाँई ॥

binu bhaṃjehum̐ bhava-dhanuṣa visālā | melihi sīya rāma ura mālā ||
asa bicāri gavanahu ghara bhāī | jasa pratāpa bala teja gavām̐ī ||

बिहँसे अपर भूप सुनि बानी । जे अबिबेक अन्ध अभिमानी ॥
तोरेहुँ धनुष ब्याह अवगाहा । बिनु तोरें को कुअँरि बिआहा ॥

biham̐se apara bhūpa suni bānī | je abibeka andha abhimānī ||
torehum̐ dhanuṣa byāha avagāhā | binu toreṃ ko kuam̐ri biāhā ||

एक बार कालहु किन होऊ । सिय हित समर जितब हम सोऊ ॥
यह सुनि अपर भूप मुसुकाने । धरमसील हरिभगत सयाने ॥

eka bāra kālahu kina hoū | siya hita samara jitaba hama soū ||
yaha suni apara bhūpa musukāne | dharamasīla haribhagata sayāne ||