अध्याय 244: जनक दोनों भाइयों को श्रेष्ठ मंच पर बैठाते हैं

कटि तूनीर पीत-पट बाँधे । कर-सर धनुष-बाम-बर काँधे ॥
पीत-जग्य उपबीत सुहाए । नख-सिख मज्जु महाछबि छाये ॥

kaṭi tūnīra pīta-paṭa bām̐dhe | kara-sara dhanuṣa-bāma-bara kām̐dhe ||
pīta-jagya upabīta suhāe | nakha-sikha majju mahāchabi chāye ||

देखि लोग सब भये सुखारे । एकटक लोचन चलत न तारे ॥
हरषे जनक देखि दोउ भाई । मुनि-पद-कमल गहे तब जाई ॥

dekhi loga saba bhaye sukhāre | ekaṭaka locana calata na tāre ||
haraṣe janaka dekhi dou bhāī | muni-pada-kamala gahe taba jāī ||

करि बिनती निज कथा सुनाई । रङ्ग अवनि सब मुनिहि देखाई ॥
जहँ जहँ जाहि कुअँर बर दोऊ । तहँ तहँ चकित चितव सब कोऊ ॥

kari binatī nija kathā sunāī | raṅga avani saba munihi dekhāī ||
jaham̐ jaham̐ jāhi kuam̐ra bara doū | taham̐ taham̐ cakita citava saba koū ||

निज निज रुख रामहिँ सब देखा । कोउ न जान कछु चरित बिसेखा ॥
भलि रचना मुनि नृप सन कहेऊ । राजाँ मुदित महा सुख लहेऊ ॥

nija nija rukha rāmahim̐ saba dekhā | kou na jāna kachu carita bisekhā ||
bhali racanā muni nṛpa sana kaheū | rājām̐ mudita mahā sukha laheū ||