अध्याय 246: सज्जन राजाओं की सीख और सीता का आगमन

वृथा मरहु जनि गाल बजाई । मन-मोदकन्हि कि भूख बुताई ॥
सिख हमारि सुनि परम पुनीता । जगदम्बा जानहु जियँ सीता ॥

vṛthā marahu jani gāla bajāī | mana-modakanhi ki bhūkha butāī ||
sikha hamāri suni parama punītā | jagadambā jānahu jiyam̐ sītā ||

जगत पिता रघुपतिहि बिचारी । भरि लोचन छबि लेहु निहारी ॥
सुन्दर सुखद सकल-गुन-रासी । ये दोउ बन्धु सम्भु-उर-बासी ॥

jagata pitā raghupatihi bicārī | bhari locana chabi lehu nihārī ||
sundara sukhada sakala-guna-rāsī | ye dou bandhu sambhu-ura-bāsī ||

सुधा समुद्र समीप बिहाई । मृग-जल निरखि मरहु कत धाई ॥
करहु जाइ जा कहँ जोइ भावा । हम तो आजु जनम-फल पावा ॥

sudhā samudra samīpa bihāī | mṛga-jala nirakhi marahu kata dhāī ||
karahu jāi jā kaham̐ joi bhāvā | hama to āju janama-phala pāvā ||

अस कहि भले भूप अनुरागे । रूप अनूप बिलोकन लागे ॥
देखहिँ सुर नभ चढ़े बिमाना । बरषहिँ सुमन करहिं कल गाना ॥

asa kahi bhale bhūpa anurāge | rūpa anūpa bilokana lāge ||
dekhahim̐ sura nabha car̤he bimānā | baraṣahim̐ sumana karahiṃ kala gānā ||