अध्याय 23: निर्गुण ब्रह्म से भी बड़ा नाम

अगुन सगुन दुइ ब्रह्म सरूपा । अकथ अगाध अनादि अनूपा ॥
मोरें मत बड़ नाम दुहूँ तेँ । किए जेहिं जुग निज बस निज बूतें ॥

aguna saguna dui brahma sarūpā | akatha agādha anādi anūpā ||
moreṃ mata bar̤a nāma duhūm̐ tem̐ | kie jehiṃ juga nija basa nija būteṃ ||

प्रोढ़ि सुजन जनि जानहिं जन की । कहउँ प्रतीति प्रीति रुचि मन की ॥
एक दारु गत देखिय एकू । पावक सम जुग ब्रह्म बिबेकू ॥

pror̤hi sujana jani jānahiṃ jana kī | kahaum̐ pratīti prīti ruci mana kī ||
eka dāru gata dekhiya ekū | pāvaka sama juga brahma bibekū ||

उभय अगम जुग सुगम नाम तेँ । कहेउँ नाम बड़ ब्रह्म राम तें ॥
व्यापक एक ब्रह्म अबिनासी । सत चेतन धन आनँद रासी ॥

ubhaya agama juga sugama nāma tem̐ | kaheum̐ nāma bar̤a brahma rāma teṃ ||
vyāpaka eka brahma abināsī | sata cetana dhana ānam̐da rāsī ||

अस प्रभु हृदयँ अछत अबिकारी । सकल जीव जग दीन दुखारी ॥
नाम निरूपन नाम जतन तें । सोउ प्रगटत जिमि मोल रतन तें ॥

asa prabhu hṛdayam̐ achata abikārī | sakala jīva jaga dīna dukhārī ||
nāma nirūpana nāma jatana teṃ | sou pragaṭata jimi mola ratana teṃ ||