अध्याय 235: माता भवानी से सीता की स्तुति

जानि, कठिन सिव चाप बिसूरति । चली राखि उर स्यामल मूरति ॥
प्रभु जब जात जानकी जानी । सुख-सनेह सोभा-गुन खानी ॥

jāni, kaṭhina siva cāpa bisūrati | calī rākhi ura syāmala mūrati ||
prabhu jaba jāta jānakī jānī | sukha-saneha sobhā-guna khānī ||

परम प्रेममय मृदु मसि कीन्ही । चारु चित भीतर लिख लीन्ही ॥
गई भवानी भवन बहोरी । बन्दि चरन बोली कर जोरी ॥

parama premamaya mṛdu masi kīnhī | cāru cita bhītara likha līnhī ||
gaī bhavānī bhavana bahorī | bandi carana bolī kara jorī ||

जय जय गिरि-बर-राज किसोरी । जय महेस-मुख-चन्द चकोरी ॥
जय गज-बदन षड़ानन-माता । जगत-जननि-दामिनि-दुति गाता ॥

jaya jaya giri-bara-rāja kisorī | jaya mahesa-mukha-canda cakorī ||
jaya gaja-badana ṣar̤ānana-mātā | jagata-janani-dāmini-duti gātā ||

नहिँ तव आदि मध्य अवसाना । अमित प्रभाव बेद नहिँ जाना ॥
भव-भव-विभव-पराभव कारिनि । बिस्व-बिमोहनि स्वबस-बिहारिनि ॥

nahim̐ tava ādi madhya avasānā | amita prabhāva beda nahim̐ jānā ||
bhava-bhava-vibhava-parābhava kārini | bisva-bimohani svabasa-bihārini ||