अध्याय 22: सब साधक नाम के सहारे

नाम जीहँ जपि जागहीँ जोगी । बिरति बिरञ्चि प्रपञ्च वियोगी ॥
ब्रह्म सुखहि अनुभवहिँ अनूपा । अकथ अनामय नाम न रूपा ॥

nāma jīham̐ japi jāgahīm̐ jogī | birati birañci prapañca viyogī ||
brahma sukhahi anubhavahim̐ anūpā | akatha anāmaya nāma na rūpā ||

जाना चहहिं गूढ़ गति जेऊ । नाम जीहँ जपि जानहिँ तेऊ ॥
साधक नाम जपहिं लव लाये । होहिं सिद्ध अनिमादिक पाये ॥

jānā cahahiṃ gūr̤ha gati jeū | nāma jīham̐ japi jānahim̐ teū ||
sādhaka nāma japahiṃ lava lāye | hohiṃ siddha animādika pāye ||

जपहिँ नाम जन आरत भारी । मिटहिँ कुसङ्कट होहिं सुखारी ॥
राम भगत जग चारि प्रकारा । सुकृती चारिउ अनघ उदारा ॥

japahim̐ nāma jana ārata bhārī | miṭahim̐ kusaṅkaṭa hohiṃ sukhārī ||
rāma bhagata jaga cāri prakārā | sukṛtī cāriu anagha udārā ||

चहूँ चतुर कहँ नाम अधारा । ज्ञानी प्रभुहि बिसेष पियारा ॥
चहुँ जुग चहुँ स्रुति ना प्रभाऊ । कलि बिसेष नहिँ आन उपाऊ ॥

cahūm̐ catura kaham̐ nāma adhārā | jñānī prabhuhi biseṣa piyārā ||
cahum̐ juga cahum̐ sruti nā prabhāū | kali biseṣa nahim̐ āna upāū ||