अध्याय 226: रात में दोनों भाई गुरु के चरण दबाते हैं

निसि प्रबेस मुनि आयसु दीन्हा । सबहीं सन्ध्या-बदन कीन्हा ॥
कहत कथा इतिहास पुरानी । रुचिर रजनि जुग जाम सिरानी ॥

nisi prabesa muni āyasu dīnhā | sabahīṃ sandhyā-badana kīnhā ||
kahata kathā itihāsa purānī | rucira rajani juga jāma sirānī ||

मुनिबर सयन कीन्ह तब जाई । लगे चरन चापन दोउ भाई ॥
जिन्ह के चरन-सरोरुह लागी । करत बिबिध जप जोग बिरागी ॥

munibara sayana kīnha taba jāī | lage carana cāpana dou bhāī ||
jinha ke carana-saroruha lāgī | karata bibidha japa joga birāgī ||

तेइ दोउ बन्धु प्रेम जनु जीते । गुरु-पद-पदुम पलोटत प्रीते ॥
बार बार मुनि आज्ञा दीन्ही । रघुबर जाइ सयन तब कीन्ही ॥

tei dou bandhu prema janu jīte | guru-pada-paduma paloṭata prīte ||
bāra bāra muni ājñā dīnhī | raghubara jāi sayana taba kīnhī ||

चापत चरन लखन उर लाये । सभय सप्रेम परम सचु पाये ॥
पुनि पुनि प्रभु कह सोवहु ताता । पौढ़े धरि उर पद-जल जाता ॥

cāpata carana lakhana ura lāye | sabhaya saprema parama sacu pāye ||
puni puni prabhu kaha sovahu tātā | paur̤he dhari ura pada-jala jātā ||