अध्याय 225: गुरु के पास लौटते प्रभु

सिसु सब राम प्रेम बस जाने । प्रीति समेत निकेत बखाने ॥
निज निज रुचि सब लेंहिं बोलाई । सहित सनेह जाहिँ दोउ भाई ॥

sisu saba rāma prema basa jāne | prīti sameta niketa bakhāne ||
nija nija ruci saba leṃhiṃ bolāī | sahita saneha jāhim̐ dou bhāī ||

राम देखावहिँ अनुजहि रचना । कहि मृदु मधुर मनोहर बचना ॥
लव निमेष महँ भुवन-निकाया । रचइ जासु अनुसासन माया ॥

rāma dekhāvahim̐ anujahi racanā | kahi mṛdu madhura manohara bacanā ||
lava nimeṣa maham̐ bhuvana-nikāyā | racai jāsu anusāsana māyā ||

भगति हेतु सोइ दीनदयाला । चितवत चकित धनुष-मख-साला ॥
कौतुक देखि चले गुरु पाहीँ । जानि बिलम्ब त्रास मन माहीँ ॥

bhagati hetu soi dīnadayālā | citavata cakita dhanuṣa-makha-sālā ||
kautuka dekhi cale guru pāhīm̐ | jāni bilamba trāsa mana māhīm̐ ||

जासु त्रास डर कहँ डर होई । भजन प्रभाव देखावत सोई ॥
कहि बातें मृदु मधुर सुहाईं । किये बिदा बालक बरिआई ॥

jāsu trāsa ḍara kaham̐ ḍara hoī | bhajana prabhāva dekhāvata soī ||
kahi bāteṃ mṛdu madhura suhāīṃ | kiye bidā bālaka bariāī ||