अध्याय 227: राजा जनक की फुलवारी में फूल लेने जाना

सकल सौच करि जाइ नहाये । नित्य निबाहि मुनिहि सिर नाये ॥
समय जानि गुरु आयसु पाई । लेन प्रसून चले दोउ भाई ॥

sakala sauca kari jāi nahāye | nitya nibāhi munihi sira nāye ||
samaya jāni guru āyasu pāī | lena prasūna cale dou bhāī ||

भूप बाग बर देखेउ जाई । जहँ बसन्त-रितु रही लोभाई ॥
लागे बिटप मनोहर नाना । बरन बरन बर बेलि बिताना ॥

bhūpa bāga bara dekheu jāī | jaham̐ basanta-ritu rahī lobhāī ||
lāge biṭapa manohara nānā | barana barana bara beli bitānā ||

नव-पल्लव फल सुमान सुहाये । निज-सम्पति सुर-रूख लजाये ॥
चातक कोकिल कीर चकोरा । कूजत बिहँग नटत कल मोरा ॥

nava-pallava phala sumāna suhāye | nija-sampati sura-rūkha lajāye ||
cātaka kokila kīra cakorā | kūjata biham̐ga naṭata kala morā ||

मध्य बाग सर सोह सुहावा । मनि-सोपान बिचित्र बनावा ॥
बिमल सलिल सरसिज बहु रङ्गा । जल-खग-कूजत गुञ्जत भृङ्गा ॥

madhya bāga sara soha suhāvā | mani-sopāna bicitra banāvā ||
bimala salila sarasija bahu raṅgā | jala-khaga-kūjata guñjata bhṛṅgā ||