अध्याय 224: बालकों द्वारा धनुषयज्ञ की रंगभूमि दिखाना

पुर पूरब-दिसि गे दोउ भाई । जहँ धनु-मख हित भूमि बनाई ॥
अति विस्तार चारु गच ढारी । बिमल-बेदिका रुचिर सँवारी ॥

pura pūraba-disi ge dou bhāī | jaham̐ dhanu-makha hita bhūmi banāī ||
ati vistāra cāru gaca ḍhārī | bimala-bedikā rucira sam̐vārī ||

चहुँ दिसि कञ्चन मञ्च बिसाला । रचे जहाँ बेठहिं महिपाला ॥
तेहि पाछें समीप चहुँ पासा । अपर मञ्च मंडली बिलासा ॥

cahum̐ disi kañcana mañca bisālā | race jahām̐ beṭhahiṃ mahipālā ||
tehi pācheṃ samīpa cahum̐ pāsā | apara mañca maṃḍalī bilāsā ||

कछुक ऊँचि सब भाँति सुहाई । बैठहिँ नगर लोग जहँ जाई ॥
तिन्ह के निकट बिसाल सुहाये । धवल धाम बहु बरन बनाये ॥

kachuka ūm̐ci saba bhām̐ti suhāī | baiṭhahim̐ nagara loga jaham̐ jāī ||
tinha ke nikaṭa bisāla suhāye | dhavala dhāma bahu barana banāye ||

जहँ बैठे देखहिँ सब नारी । जथा जोगु निज-कुल अनुहारी ॥
पुर-बालक कहि कहि मृदु बचना । सादर प्रभुहि देखावहिँ रचना ॥

jaham̐ baiṭhe dekhahim̐ saba nārī | jathā jogu nija-kula anuhārī ||
pura-bālaka kahi kahi mṛdu bacanā | sādara prabhuhi dekhāvahim̐ racanā ||