अध्याय 223: क्या सुकुमार राजकुमार शिवधनुष उठा पाएँगे

बोली अपर कहेहु सखि नीका । एहिं बिबाह अति हित सबहीं का ॥
कोउ कह सङ्कर चाप कठोरा । ये स्यामल मृदुगात किसोरा ॥

bolī apara kahehu sakhi nīkā | ehiṃ bibāha ati hita sabahīṃ kā ||
kou kaha saṅkara cāpa kaṭhorā | ye syāmala mṛdugāta kisorā ||

सब असमञ्जस अहइ सयानी । यह सुनि अपर कहइ मृदु बानी ॥
सखि इन्ह कहँ कोउ कोउ अस कहहीँ । बड़ प्रभाउ देखत लघु अहहीँ ॥

saba asamañjasa ahai sayānī | yaha suni apara kahai mṛdu bānī ||
sakhi inha kaham̐ kou kou asa kahahīm̐ | bar̤a prabhāu dekhata laghu ahahīm̐ ||

परसि जासु पद-पङ्कज धूरी । तरी अहल्या कृत-अघ-भूरी ॥
से कि रहिहि बिनु सिव-धनु तोरें । यह प्रतीति परिहरिअ न भोरें ॥

parasi jāsu pada-paṅkaja dhūrī | tarī ahalyā kṛta-agha-bhūrī ||
se ki rahihi binu siva-dhanu toreṃ | yaha pratīti pariharia na bhoreṃ ||

जेहिं बिरज्चि रचि सीय सँवारी । तेहिं स्यामल बर रचेउ बिचारी ॥
तासु बचन सुनि सब हरषानीं । ऐसइ होउ कहहिँ मृदु बानी ॥

jehiṃ birajci raci sīya sam̐vārī | tehiṃ syāmala bara raceu bicārī ||
tāsu bacana suni saba haraṣānīṃ | aisai hou kahahim̐ mṛdu bānī ||