अध्याय 222: सीता के लिए श्रीराम की कामना

देखि राम छबि कोउ एक कहई । जोग जानकिहि यह बर अहई ॥
जौँ सखि इन्हहिँ देख नरनाहू । पन परिहरि हठि करइ बिबाहू ॥

dekhi rāma chabi kou eka kahaī | joga jānakihi yaha bara ahaī ||
jaum̐ sakhi inhahim̐ dekha naranāhū | pana parihari haṭhi karai bibāhū ||

कोउ कह ये भूपति पहिचाने । मुनि समेत सादर सनमाने ॥
सखि परन्तु पन राउ न तजई । बिधि-बस हठि अबिबेकहि भजई ॥

kou kaha ye bhūpati pahicāne | muni sameta sādara sanamāne ||
sakhi parantu pana rāu na tajaī | bidhi-basa haṭhi abibekahi bhajaī ||

कोउ कह जौँ भल अहइ बिधाता । सब कहँ सुनिय उचित फलदाता ॥
तौ जानकिहि मिलिहि बर एहू । नाहिन आलि इहाँ सन्देहू ॥

kou kaha jaum̐ bhala ahai bidhātā | saba kaham̐ suniya ucita phaladātā ||
tau jānakihi milihi bara ehū | nāhina āli ihām̐ sandehū ||

जौँ बिधि-बस अस बनइ सँजोगू । तौ कृतकृत्य होहिँ सब लोगू ॥
सखि हमरें आरति अति तातें । कबहुँक ये आवहिँ एहि नातें ॥

jaum̐ bidhi-basa asa banai sam̐jogū | tau kṛtakṛtya hohim̐ saba logū ||
sakhi hamareṃ ārati ati tāteṃ | kabahum̐ka ye āvahim̐ ehi nāteṃ ||