अध्याय 21: नाम और रूप, देहरी का दीपक

समुझत सरिस नाम अरु नामी । प्रीति परसपर प्रभु अनुगामी ॥
नाम रूप दुई ईस उपाधी । अकथ अनादि सुसामुझि साधी ॥

samujhata sarisa nāma aru nāmī | prīti parasapara prabhu anugāmī ||
nāma rūpa duī īsa upādhī | akatha anādi susāmujhi sādhī ||

को बड़ छोट कहत अपराधू । सुनि गुन भेद समुझिहहिँ साधू ॥
देखिअहिं रूप नाम-आधीना । रूप-ज्ञान नहिँ नाम बिहीना ॥

ko bar̤a choṭa kahata aparādhū | suni guna bheda samujhihahim̐ sādhū ||
dekhiahiṃ rūpa nāma-ādhīnā | rūpa-jñāna nahim̐ nāma bihīnā ||

रूप बिसेष नाम बिनु जानें । करतल गत न परहिँ पहिचानें ॥
सुमिरिअ नाम रूप बिनु देखें । आवत हृदयँ सनेह बिसेखे ॥

rūpa biseṣa nāma binu jāneṃ | karatala gata na parahim̐ pahicāneṃ ||
sumiria nāma rūpa binu dekheṃ | āvata hṛdayam̐ saneha bisekhe ||

नाम-रूप-गुन अकथ कहानी । समुझत सुखद न परति बखानी ॥
अगुन सगुन बिच नाम सुसाखी । उभय प्रबोधक चतुर दुभाखी ॥

nāma-rūpa-guna akatha kahānī | samujhata sukhada na parati bakhānī ||
aguna saguna bica nāma susākhī | ubhaya prabodhaka catura dubhākhī ||