अध्याय 216: जनक का प्रश्न: ये दोनों बालक कौन हैं

कहहु नाथ सुन्दर दोउ बालक । मुनिकुल-तिलक कि नृपकुल-पालक ॥
ब्रह्म जो निगम नेति कहि गावा । उभय बेष धरि की सोइ आवा ॥

kahahu nātha sundara dou bālaka | munikula-tilaka ki nṛpakula-pālaka ||
brahma jo nigama neti kahi gāvā | ubhaya beṣa dhari kī soi āvā ||

सहज बिराग-रूप मन मोरा । थकित होत जिमि चन्द चकोरा ॥
ता तेँ प्रभु पूछउँ सतिभाऊ । कहहु नाथ जनि करहु दुराऊ ॥

sahaja birāga-rūpa mana morā | thakita hota jimi canda cakorā ||
tā tem̐ prabhu pūchaum̐ satibhāū | kahahu nātha jani karahu durāū ||

इन्हहिँ बिलोकत अति अनुरागा । बरबस ब्रह्म-सुखहि मन त्यागा ॥
कह मुनि बिहँसि कहेहु नप नीका । बचन तुम्हार न होइ अलीका ॥

inhahim̐ bilokata ati anurāgā | barabasa brahma-sukhahi mana tyāgā ||
kaha muni biham̐si kahehu napa nīkā | bacana tumhāra na hoi alīkā ||

ये प्रिय सबहि जहाँ लगि प्रानी । मन मुसुकाहिँ राम सुनि बानी ॥
रघुकुल-मनि दसरथ के जाये । मम हित लागि नरेस पठाये ॥

ye priya sabahi jahām̐ lagi prānī | mana musukāhim̐ rāma suni bānī ||
raghukula-mani dasaratha ke jāye | mama hita lāgi naresa paṭhāye ||