अध्याय 217: जनक द्वारा अतिथियों का सुन्दर निवास

मुनि तव चरन देखि कह राऊ । कहि न सकउँ निज पुन्य प्राभाऊ ॥
सुन्दर स्याम गौर दोउ भ्राता । आनँदहू के आनँद दाता ॥

muni tava carana dekhi kaha rāū | kahi na sakaum̐ nija punya prābhāū ||
sundara syāma gaura dou bhrātā | ānam̐dahū ke ānam̐da dātā ||

इन्ह कै प्रीति परसपर पावनि । कहि न जाइ मन भाव सुहावनि ॥
सुनहु नाथ कह मुदित बिदेहू । ब्रह्म-जीव इव सहज सनेहू ॥

inha kai prīti parasapara pāvani | kahi na jāi mana bhāva suhāvani ||
sunahu nātha kaha mudita bidehū | brahma-jīva iva sahaja sanehū ||

पुनि पुनि प्रभुहि चितव नरनाहू । पुलक गात उर अधिक उछाहू ॥
मुनिहि प्रसंसि नाइ पद सीसू । चलेउ लवाइ नगर अवनीसू ॥

puni puni prabhuhi citava naranāhū | pulaka gāta ura adhika uchāhū ||
munihi prasaṃsi nāi pada sīsū | caleu lavāi nagara avanīsū ||

सुन्दर सदन सुखद सब काला । तहाँ बास लेइ दीन्ह भुआला ॥
करि पूजा सब बिधि सेवकाई । गयउ राउ गृह विदा कराई ॥

sundara sadana sukhada saba kālā | tahām̐ bāsa lei dīnha bhuālā ||
kari pūjā saba bidhi sevakāī | gayau rāu gṛha vidā karāī ||