अध्याय 20: राम नाम के दो अक्षर

आखर मधुर मनोहर दोऊ । बरन बिलोचन जन जिय जोऊ ॥
सुमिरत सुलभ सुखद सब काहू । लोक-लाहु परलोक-निबाहू ॥

ākhara madhura manohara doū | barana bilocana jana jiya joū ||
sumirata sulabha sukhada saba kāhū | loka-lāhu paraloka-nibāhū ||

कहत सुनत सुमिरत सुठि नीके । राम-लखन-सम प्रिय तुलसी के ॥
बरनत बरन प्रीति बिलगाती । ब्रह्म-जीव-सम सहज-सँघाती ॥

kahata sunata sumirata suṭhi nīke | rāma-lakhana-sama priya tulasī ke ||
baranata barana prīti bilagātī | brahma-jīva-sama sahaja-sam̐ghātī ||

नर-नारायन-सरिस सुभ्राता । जग पालक बिसेष जन त्राता ॥
भगति-सुतिय कल करन-बिभूषन । जग-हित-हेतु बिमल बिधु-पूषन ॥

nara-nārāyana-sarisa subhrātā | jaga pālaka biseṣa jana trātā ||
bhagati-sutiya kala karana-bibhūṣana | jaga-hita-hetu bimala bidhu-pūṣana ||

स्वाद तोष सम सुगति सुधा के । कमठ सेष सम धर बसुधा के ॥
जन-मन-मञ्जु-कञ्ज-मधु कर से । जीह जसोमति हरि हलधर से ॥

svāda toṣa sama sugati sudhā ke | kamaṭha seṣa sama dhara basudhā ke ||
jana-mana-mañju-kañja-madhu kara se | jīha jasomati hari haladhara se ||