अध्याय 204: जनेऊ, गुरुकुल की विद्या और राजकुमारों का कौशल

बालचरित अति सरल सुहाये । सारद सेष सम्भु स्त्रुति गाये ॥
जिन्ह कर मन इन्ह सन नहिँ राता । ते जन बञ्चित किये बिधाता ॥

bālacarita ati sarala suhāye | sārada seṣa sambhu struti gāye ||
jinha kara mana inha sana nahim̐ rātā | te jana bañcita kiye bidhātā ||

भये कुमार जबहिँ सब भ्राता । दीन्ह जनेऊ गुरु-पितु-माता ॥
गुरु गृह गये पढ़न रघुराई । अलप काल बिद्या सब आई ॥

bhaye kumāra jabahim̐ saba bhrātā | dīnha janeū guru-pitu-mātā ||
guru gṛha gaye par̤hana raghurāī | alapa kāla bidyā saba āī ||

जाकी सहज स्वास स्त्रुति चारी । सो हरि पढ़ यह कौतुक भारी ॥
विद्या-बिनय निपुन गुन-सीला । खेलहिँ खेल सकल नृप-लीला ॥

jākī sahaja svāsa struti cārī | so hari par̤ha yaha kautuka bhārī ||
vidyā-binaya nipuna guna-sīlā | khelahim̐ khela sakala nṛpa-līlā ||

करतल बान धनुष अति सोहा । देखत रूप चराचर मोहा ॥
जिन्ह बीथिन्ह बिहरहिँ सब भाई । थकित होहिँ सब लोग लुगाई ॥

karatala bāna dhanuṣa ati sohā | dekhata rūpa carācara mohā ||
jinha bīthinha biharahim̐ saba bhāī | thakita hohim̐ saba loga lugāī ||