अध्याय 203: भोजन छोड़कर भागते बालक राम

बालचरित हरि बहुबिधि कीन्हा । अति अनन्द दासन्ह कहँ दीन्हा ॥
कछुक काल बीतें सब भाई । बड़े भये परिजन सुखदाई ॥

bālacarita hari bahubidhi kīnhā | ati ananda dāsanha kaham̐ dīnhā ||
kachuka kāla bīteṃ saba bhāī | bar̤e bhaye parijana sukhadāī ||

चूड़ाकरन कीन्ह गुरु जाई । बिप्रन्ह पुनि दछिना बहु पाई ॥
परम मनोहर चरित अपारा । करत फिरत चारिउ सुकुमारा ॥

cūr̤ākarana kīnha guru jāī | bipranha puni dachinā bahu pāī ||
parama manohara carita apārā | karata phirata cāriu sukumārā ||

मन-क्रम-बचन अगोचर जोई । दसरथ-अजिर बिचर प्रभु सोई ॥
भोजन करत बोल जब राजा । नहिँ आवत तजि बाल-समाजा ॥

mana-krama-bacana agocara joī | dasaratha-ajira bicara prabhu soī ||
bhojana karata bola jaba rājā | nahim̐ āvata taji bāla-samājā ||

कौसल्या जब बोलन जाई । ठुमकु ठुमकु प्रभु चलहिँ पराई ॥
निगम नेति सिव अन्त न पावा । ताहि धरै जननी हठि धावा ॥

kausalyā jaba bolana jāī | ṭhumaku ṭhumaku prabhu calahim̐ parāī ||
nigama neti siva anta na pāvā | tāhi dharai jananī haṭhi dhāvā ||

धूरस धूरि भरें तनु आये । भूपति बिहँसि गोद बैठाये ॥

dhūrasa dhūri bhareṃ tanu āye | bhūpati biham̐si goda baiṭhāye ||