अध्याय 201: एक साथ दो बालकों का दर्शन

एक बार जननीं अन्हवाये । करि सिंगार पलनाँ पौढ़ाये ॥
निज कुल इष्टदेव भगवाना । पूजा हेतु कीन्ह अस्नाना ॥

eka bāra jananīṃ anhavāye | kari siṃgāra palanām̐ paur̤hāye ||
nija kula iṣṭadeva bhagavānā | pūjā hetu kīnha asnānā ||

करि पूजा नैबेद्य चढ़ावा । आपु गई जहँ पाक बनावा ॥
बहुरि मातु तहवाँ चलि आई । भोजन करत देख सुत जाई ॥

kari pūjā naibedya car̤hāvā | āpu gaī jaham̐ pāka banāvā ||
bahuri mātu tahavām̐ cali āī | bhojana karata dekha suta jāī ||

गह जननी सिसु पहिँ भयभीता । देखा बाल तहाँ पुनि सूता ॥
बहुरि आइ देखा सुत सोई । हृदयँ कम्प मन धीर न होई ॥

gaha jananī sisu pahim̐ bhayabhītā | dekhā bāla tahām̐ puni sūtā ||
bahuri āi dekhā suta soī | hṛdayam̐ kampa mana dhīra na hoī ||

इहाँ उहाँ दुइ बालक देखा । मति भ्रम मोर कि आन बिसेखा ॥
देखि राम जननी अकुलानी । प्रभु हँसि दीन्ह मधुर मुसुकानी ॥

ihām̐ uhām̐ dui bālaka dekhā | mati bhrama mora ki āna bisekhā ||
dekhi rāma jananī akulānī | prabhu ham̐si dīnha madhura musukānī ||