अध्याय 195: जब सूर्य एक मास तक ठहर गए

कैकय-सुता सुमित्रा दोऊ । सुन्दर-सुत जनमत भैं ओऊ ॥
वह सुख सम्पति समय समाजा । कहि न सकइ सारद अहिराजा ॥

kaikaya-sutā sumitrā doū | sundara-suta janamata bhaiṃ oū ||
vaha sukha sampati samaya samājā | kahi na sakai sārada ahirājā ||

अवधपुरी सोहइ एहि भाँती । प्रभुहि मिलन आई जनु राती ॥
देखि भानू जनु मन सकुचानी । तदपि बनी सन्ध्या अनुमानी ॥

avadhapurī sohai ehi bhām̐tī | prabhuhi milana āī janu rātī ||
dekhi bhānū janu mana sakucānī | tadapi banī sandhyā anumānī ||

अगर-धूप बहु जनु अँधिआरी । उड़इ अभीर मनहुँ अरुनारी ॥
मन्दिर-मनि-समूह जनु तारा । नृप गृह कलस सो इन्दु उदारा ॥

agara-dhūpa bahu janu am̐dhiārī | ur̤ai abhīra manahum̐ arunārī ||
mandira-mani-samūha janu tārā | nṛpa gṛha kalasa so indu udārā ||

भवन बेद-धुनि अति मृदुबानी । जनु खग मुखर समयँ जनु सानी ॥
कौतुक देखि पतङ्ग भुलाना । एक मास तेई जात न जाना ॥

bhavana beda-dhuni ati mṛdubānī | janu khaga mukhara samayam̐ janu sānī ||
kautuka dekhi pataṅga bhulānā | eka māsa teī jāta na jānā ||