अध्याय 194: श्रीराम-जन्म पर अयोध्या का उत्सव

ध्वज पताक तोरन पुर छावा । कहि न जाइ जेहि भाँति बनावा ॥
सुमनबृष्टि अकास तैँ होई । ब्रह्मानन्द मगन सब लोई ॥

dhvaja patāka torana pura chāvā | kahi na jāi jehi bhām̐ti banāvā ||
sumanabṛṣṭi akāsa taim̐ hoī | brahmānanda magana saba loī ||

बृन्द बृन्द मिलि चलीँ लोगाई । सहज सिंगार किये उठि धाई ॥
कनक-कलस मङ्गल भरि थारा । गावत पैठहिँ भूप-दुआरा ॥

bṛnda bṛnda mili calīm̐ logāī | sahaja siṃgāra kiye uṭhi dhāī ||
kanaka-kalasa maṅgala bhari thārā | gāvata paiṭhahim̐ bhūpa-duārā ||

करि आरती नेवछावरि करहीँ । बार बार सिसु चरनन्हि परहीँ ॥
मागध सूत बन्दि-गन गायक । पावन गुन गावहिँ रघुनायक ॥

kari āratī nevachāvari karahīm̐ | bāra bāra sisu carananhi parahīm̐ ||
māgadha sūta bandi-gana gāyaka | pāvana guna gāvahim̐ raghunāyaka ||

सरबस-दान दीन्ह सब काहू । जेहिं पावा राखा नहिँ ताहू ॥
मृगमद-चन्दन-कुङ्कुम कीचा । मची सकल बीथिन्ह बिच बीचा ॥

sarabasa-dāna dīnha saba kāhū | jehiṃ pāvā rākhā nahim̐ tāhū ||
mṛgamada-candana-kuṅkuma kīcā | macī sakala bīthinha bica bīcā ||