अध्याय 188: देवताओं का वानर रूप और राजा दशरथ का परिचय

गये देव सब निज निज धामा । भूमि सहित मन कहँ बिस्रामा ॥
जो कछु आयसु ब्रह्माँ दीन्हा । हरषे देव बिलम्ब न कीन्हा ॥

gaye deva saba nija nija dhāmā | bhūmi sahita mana kaham̐ bisrāmā ||
jo kachu āyasu brahmām̐ dīnhā | haraṣe deva bilamba na kīnhā ||

बनचर देइ धरी छिति माहीँ । अतुलित बल-प्रताप तिन्ह पाहीँ ॥
गिरि-तरु-नख आयुध सब बीरा । हरि मारग चितवहिँ मतिधीरा ॥

banacara dei dharī chiti māhīm̐ | atulita bala-pratāpa tinha pāhīm̐ ||
giri-taru-nakha āyudha saba bīrā | hari māraga citavahim̐ matidhīrā ||

गिरि कानन जहँ तहँ महि पूरी । रहे निज निज अनीक रचि रूरी ॥
यह सब रुचिर चरित मैँ भाखा । अब सो सुनहु जो बीचहिं राखा ॥

giri kānana jaham̐ taham̐ mahi pūrī | rahe nija nija anīka raci rūrī ||
yaha saba rucira carita maim̐ bhākhā | aba so sunahu jo bīcahiṃ rākhā ||

अवधपुरीं रघुकुल-मनि राऊ । बेद बिदित तेहि दसरथ नाऊँ ॥
धरम-धुरन्धर गुन-निधि ज्ञानी । हृदयँ भगति मति सारँग-पानी ॥

avadhapurīṃ raghukula-mani rāū | beda bidita tehi dasaratha nāūm̐ ||
dharama-dhurandhara guna-nidhi jñānī | hṛdayam̐ bhagati mati sāram̐ga-pānī ||