अध्याय 187: आकाशवाणी द्वारा अवतार का वचन

जनि डरपहु मुनि सिद्ध सुरेसा । तुम्हहिँ लागि धरिहउँ नर-बेसा ॥
अंसन्ह सहित मनुज अवतारा । लेहउँ दिनकर-बंस उदारा ॥

jani ḍarapahu muni siddha suresā | tumhahim̐ lāgi dharihaum̐ nara-besā ||
aṃsanha sahita manuja avatārā | lehaum̐ dinakara-baṃsa udārā ||

कस्यप अदिति महा तप कीन्हा । तिन्ह कहँ मैँ पूरब बर दीन्हा ॥
ते दसरथ-कौसल्या रूपा । कोसलपुरीं प्रगट नर-भूपा ॥

kasyapa aditi mahā tapa kīnhā | tinha kaham̐ maim̐ pūraba bara dīnhā ||
te dasaratha-kausalyā rūpā | kosalapurīṃ pragaṭa nara-bhūpā ||

तिन्ह के गृह अवतरिहउँ जाई । रघुकुल तिलक सो चारिउ भाई ॥
नारद बचन सत्य सब करिहउँ । परम सक्ति समेत अवतरिहउँ ॥

tinha ke gṛha avatarihaum̐ jāī | raghukula tilaka so cāriu bhāī ||
nārada bacana satya saba karihaum̐ | parama sakti sameta avatarihaum̐ ||

हरिहउँ सकल भूमि गरुआई । निर्भय होहु देव समुदाई ॥
गगन ब्रह्म-बानी सुनि काना । तुरत फिरे सुर हृदय जुड़ाना ॥

harihaum̐ sakala bhūmi garuāī | nirbhaya hohu deva samudāī ||
gagana brahma-bānī suni kānā | turata phire sura hṛdaya jur̤ānā ||

तब ब्रह्मा धरनिहि समुझावा । अभय भई भरोस जियँ आवा ॥

taba brahmā dharanihi samujhāvā | abhaya bhaī bharosa jiyam̐ āvā ||