अध्याय 185: शिवजी का वचन: प्रेम से प्रकट होते हैं प्रभु

बैठे सुर सब करहिँ बिचारा । कहँ पाइअ प्रभु करिय पुकारा ॥
पुर बैकुंठ जान कह कोई । कोउ कह पयनिधि बस प्रभु सोई ॥

baiṭhe sura saba karahim̐ bicārā | kaham̐ pāia prabhu kariya pukārā ||
pura baikuṃṭha jāna kaha koī | kou kaha payanidhi basa prabhu soī ||

जाके हृदयँ भगति जसि प्रीती । प्रभु तहँ प्रगट सदा तेहिं रीती ॥
तेहि समाज गिरिजा मैँ रहेऊँ । अवसर पाइ बचन एक कहेऊँ ॥

jāke hṛdayam̐ bhagati jasi prītī | prabhu taham̐ pragaṭa sadā tehiṃ rītī ||
tehi samāja girijā maim̐ raheūm̐ | avasara pāi bacana eka kaheūm̐ ||

हरि ब्यापक सर्वत्र समाना । प्रेम तेँ प्रगट होहिँ मैँ जाना ॥
देस काल दिसि बिदिसिहु माहीँ । कहहु से कहाँ जहाँ प्रभु नाहीँ ॥

hari byāpaka sarvatra samānā | prema tem̐ pragaṭa hohim̐ maim̐ jānā ||
desa kāla disi bidisihu māhīm̐ | kahahu se kahām̐ jahām̐ prabhu nāhīm̐ ||

अग-जग-मय सब रहित बिरागी । प्रेम तेँ प्रभु प्रगटइ जिमि आगी ॥
मोर बचन सब के मन माना । साधु साधु करि ब्रह्म बखाना ॥

aga-jaga-maya saba rahita birāgī | prema tem̐ prabhu pragaṭai jimi āgī ||
mora bacana saba ke mana mānā | sādhu sādhu kari brahma bakhānā ||