अध्याय 181: रावण का राक्षसों को यज्ञ रोकने का आदेश

काम-रूप जानहिँ सब माया । सपनेहुँ जिन्ह कें धरम न दाया ॥
दसमुख बैठ सभाँ एक बारा । देखि अमित आपन परिवारा ॥

kāma-rūpa jānahim̐ saba māyā | sapanehum̐ jinha keṃ dharama na dāyā ||
dasamukha baiṭha sabhām̐ eka bārā | dekhi amita āpana parivārā ||

सुत-समूह जन परिजन नाती । गे को पार निसाचर जाती ॥
सेन बिलोकि सहज अभिमानी । बोला बचन क्रोध-मद-सानी ॥

suta-samūha jana parijana nātī | ge ko pāra nisācara jātī ||
sena biloki sahaja abhimānī | bolā bacana krodha-mada-sānī ||

सुनहु सकल रजनीचर जूथा । हमरे बैरी बिबुध-बरूथा ॥
ते सनमुख नहिँ करहिँ लराई । देखि सबल-रिपु जाहिँ पराई ॥

sunahu sakala rajanīcara jūthā | hamare bairī bibudha-barūthā ||
te sanamukha nahim̐ karahim̐ larāī | dekhi sabala-ripu jāhim̐ parāī ||

तिन्ह कर मरन एक बिधि होई । कहउँ बुझाइ सुनहु अब सोई ॥
द्विज-भोजन मख होम सराधा । सब के जाइ करहु तुम्ह बाधा ॥

tinha kara marana eka bidhi hoī | kahaum̐ bujhāi sunahu aba soī ||
dvija-bhojana makha homa sarādhā | saba ke jāi karahu tumha bādhā ||