अध्याय 180: रावण का बल और उसके योद्धा

सुख सम्पति सुत सेन सहाई । जय प्रताप बल बुद्धि बड़ाई ॥
नित नूतन सब बाढ़त जाई । जिमि प्रति लाभ लोभ अधिकाई ॥

sukha sampati suta sena sahāī | jaya pratāpa bala buddhi bar̤āī ||
nita nūtana saba bār̤hata jāī | jimi prati lābha lobha adhikāī ||

अति बल कुम्भकरन अस भ्राता । जेहि कहँ नहिँ प्रतिभट जग जाता ॥
करइ पान सोवइ षट मासा । जागत होइ तिहुँ-पुर त्रासा ॥

ati bala kumbhakarana asa bhrātā | jehi kaham̐ nahim̐ pratibhaṭa jaga jātā ||
karai pāna sovai ṣaṭa māsā | jāgata hoi tihum̐-pura trāsā ||

जौँ दिन-प्रति अहार कर सोई । बिस्व बेगि सब चौपट होई ॥
समर धीर नहिँ जाइ बखाना । तेहि सम अमित बीर बलवाना ॥

jaum̐ dina-prati ahāra kara soī | bisva begi saba caupaṭa hoī ||
samara dhīra nahim̐ jāi bakhānā | tehi sama amita bīra balavānā ||

बारिदनाद जेठ सुत तासू । भट महँ प्रथम लीक जग जासू ॥
जेहि न होइ रन-सनमुख कोई । सुर-पुर नितहिं परावन होई ॥

bāridanāda jeṭha suta tāsū | bhaṭa maham̐ prathama līka jaga jāsū ||
jehi na hoi rana-sanamukha koī | sura-pura nitahiṃ parāvana hoī ||