अध्याय 179: लंका पर अधिकार और कैलास उठाना

रहे तहाँ निसिचर भट भारे । ते सब सुरन्ह समर सङ्घारे ॥
अब तहँ रहहिँ सक्र के प्रेरे । रच्छक कोटि जच्छपति केरे ॥

rahe tahām̐ nisicara bhaṭa bhāre | te saba suranha samara saṅghāre ||
aba taham̐ rahahim̐ sakra ke prere | racchaka koṭi jacchapati kere ||

दसमुख कतहुँ खबरि असि पाई । सेन साजि गढ़ घेरेसि जाई ॥
देखि बिकट भट बड़ि कटकाई । जच्छ जीव लेइ गयउ पराई ॥

dasamukha katahum̐ khabari asi pāī | sena sāji gar̤ha gheresi jāī ||
dekhi bikaṭa bhaṭa bar̤i kaṭakāī | jaccha jīva lei gayau parāī ||

फिरि सब नगर दसानन देखा । गयउ सोच सुख भयउ बिसेखा ॥
सुन्दर सहज अगम अनुमानी । कीन्ह तहाँ रावन रजधानी ॥

phiri saba nagara dasānana dekhā | gayau soca sukha bhayau bisekhā ||
sundara sahaja agama anumānī | kīnha tahām̐ rāvana rajadhānī ||

जेहि जस जोग बाँटि गृह दीन्हे । सुखी सकल रजनीचर कीन्हे ॥
एक बार कुबेर पर धावा । पुष्पक-जानि जीति लेइ आवा ॥

jehi jasa joga bām̐ṭi gṛha dīnhe | sukhī sakala rajanīcara kīnhe ||
eka bāra kubera para dhāvā | puṣpaka-jāni jīti lei āvā ||