अध्याय 178: मन्दोदरी और लंका नगरी

तिन्हि देइ बर ब्रह्म सिधाये । हरषित ते अपने गृह आये ॥
मय-तनुजा मन्दोदरि नामा । परम-सुन्दरी नारि-ललामा ॥

tinhi dei bara brahma sidhāye | haraṣita te apane gṛha āye ||
maya-tanujā mandodari nāmā | parama-sundarī nāri-lalāmā ||

सोइ मयं दीन्हि रावनहि आनी । होइहि जातुधान-पति जानी ॥
हरषित भयउ नारि भलि पाई । पुनि दोउ बन्धु बिआहेसि जाई ॥

soi mayaṃ dīnhi rāvanahi ānī | hoihi jātudhāna-pati jānī ||
haraṣita bhayau nāri bhali pāī | puni dou bandhu biāhesi jāī ||

गिरि-त्रिकूट एक सिन्धु मँझारी । बिधि-निर्मित दुर्गम अति भारी ॥
सोइ मय दानवँ बहुरि सँवारा । कनक रचित मनि भवन अपारा ॥

giri-trikūṭa eka sindhu mam̐jhārī | bidhi-nirmita durgama ati bhārī ||
soi maya dānavam̐ bahuri sam̐vārā | kanaka racita mani bhavana apārā ||

भोगावति जसि अहि-कुल बासा । अमरावति जसि सक्र-निवासा ॥
तिन्ह तेँ अधिक रम्य अति बङ्का । जग बिख्यात नाम तेहि लङ्का ॥

bhogāvati jasi ahi-kula bāsā | amarāvati jasi sakra-nivāsā ||
tinha tem̐ adhika ramya ati baṅkā | jaga bikhyāta nāma tehi laṅkā ||