अध्याय 177: तीनों भाइयों को वरदान

कीन्ह बिबिध तप तीनिउँ भाई । परम उग्र नहिं बरनि सो जाई ॥
गयउ निकट तप देखि बिधाता । माँगहु बर प्रसन्न मैँ ताता ॥

kīnha bibidha tapa tīnium̐ bhāī | parama ugra nahiṃ barani so jāī ||
gayau nikaṭa tapa dekhi bidhātā | mām̐gahu bara prasanna maim̐ tātā ||

करि बिनती पद गहि दससीसा । बोलेउ बचन सुनहु जगदीसा ॥
हम काहू के मरहिँ न मारें । बानर मनुज जाति दुई बारें ॥

kari binatī pada gahi dasasīsā | boleu bacana sunahu jagadīsā ||
hama kāhū ke marahim̐ na māreṃ | bānara manuja jāti duī bāreṃ ||

एवमस्तु तुम्ह बड़ तप कीन्हा । मैँ ब्रह्माँ मिलि तेहि बर दीन्हा ॥
पुनि प्रभु कुम्भकरन पहिँ गयऊ । तेहि बिलोकि मन बिसमय भयऊ ॥

evamastu tumha bar̤a tapa kīnhā | maim̐ brahmām̐ mili tehi bara dīnhā ||
puni prabhu kumbhakarana pahim̐ gayaū | tehi biloki mana bisamaya bhayaū ||

जौँ एहिं खल नित करब अहारू । होइहि सब उजारि संसारू ॥
सारद प्रेरि तासु मति फेरी । मागेसि नींद मास षट केरी ॥

jaum̐ ehiṃ khala nita karaba ahārū | hoihi saba ujāri saṃsārū ||
sārada preri tāsu mati pherī | māgesi nīṃda māsa ṣaṭa kerī ||