अध्याय 176: प्रतापभानु बना रावण

काल पाइ मुनि सुनु सोइ राजा । भयउ निसाचर सहित समाजा ॥
दस-सिर ताहि बीस-भुजदंडा । रावन नाम बीर बरिवंडा ॥

kāla pāi muni sunu soi rājā | bhayau nisācara sahita samājā ||
dasa-sira tāhi bīsa-bhujadaṃḍā | rāvana nāma bīra barivaṃḍā ||

भूप अनुज अरिमर्दन नामा । भयउ सो कुम्भकरन बल धामा ॥
सचिव जो रहा धरमरुचि जासू । भयउ बिमात्र-बन्धु लघु तासू ॥

bhūpa anuja arimardana nāmā | bhayau so kumbhakarana bala dhāmā ||
saciva jo rahā dharamaruci jāsū | bhayau bimātra-bandhu laghu tāsū ||

नाम विभीषन जेहि जग जाना । बिष्नु-भगत विज्ञान-निधाना ॥
रहे जे सुत सेवक नृप केरे । भये निसाचर घोर घनेरे ॥

nāma vibhīṣana jehi jaga jānā | biṣnu-bhagata vijñāna-nidhānā ||
rahe je suta sevaka nṛpa kere | bhaye nisācara ghora ghanere ||

काम-रूप खल जिनस अनेका । कुटिल भयङ्कर बिगत-बिबेका ॥
कृपा-रहित हिंसक सब पापी । बरनि न जाहिँ बिस्व परितापी ॥

kāma-rūpa khala jinasa anekā | kuṭila bhayaṅkara bigata-bibekā ||
kṛpā-rahita hiṃsaka saba pāpī | barani na jāhim̐ bisva paritāpī ||