अध्याय 175: सत्यकेतु के कुल का नाश

अस कहि सब महिदेव सिधाये । समाचार पुरबासिन्ह पाये ॥
सोचहिँ दूषन दैवहिँ देहीँ । बिचरत हंस काग किय जेहीँ ॥

asa kahi saba mahideva sidhāye | samācāra purabāsinha pāye ||
socahim̐ dūṣana daivahim̐ dehīm̐ | bicarata haṃsa kāga kiya jehīm̐ ||

उपरोहितहि भवन पहुँचाई । असुर तापसहि खबरि जनाई ॥
तेहिं खल जहँ तहँ पत्र पठाये । सजि सजि सेन भूप सब आये ॥

uparohitahi bhavana pahum̐cāī | asura tāpasahi khabari janāī ||
tehiṃ khala jaham̐ taham̐ patra paṭhāye | saji saji sena bhūpa saba āye ||

घेरेन्हि नगर निसान बजाई । बिबिध भाँति नित होइ लराई ॥
जूझे सकल सुभट करि करनी । बन्धु समेत परेउ नृप धरनी ॥

gherenhi nagara nisāna bajāī | bibidha bhām̐ti nita hoi larāī ||
jūjhe sakala subhaṭa kari karanī | bandhu sameta pareu nṛpa dharanī ||

सत्यकेतु-कुल कोउ नहिँ बाँचा । बिप्र-साप किमि होइ असाँचा ॥
रिपु जिति सब नृप नगर बसाई । निज-पुर गवने जय जस पाई ॥

satyaketu-kula kou nahim̐ bām̐cā | bipra-sāpa kimi hoi asām̐cā ||
ripu jiti saba nṛpa nagara basāī | nija-pura gavane jaya jasa pāī ||