अध्याय 174: ब्राह्मण शाप अटल

छत्रबन्धु तैँ बिप्र बोलाई । घालै लिये सहित समुदाई ॥
ईस्वर राखा धरम हमारा । जैहसि तैँ समेत परिवारा ॥

chatrabandhu taim̐ bipra bolāī | ghālai liye sahita samudāī ||
īsvara rākhā dharama hamārā | jaihasi taim̐ sameta parivārā ||

सम्बत मध्य नास तव होऊ । जलदाता न रहिहि कुल कोऊ ॥
नृप सुनि साप बिकल अति त्रासा । भइ बहोरि बर गिरा अकासा ॥

sambata madhya nāsa tava hoū | jaladātā na rahihi kula koū ||
nṛpa suni sāpa bikala ati trāsā | bhai bahori bara girā akāsā ||

बिप्रहु साप बिचारि न दीन्हा । नहिँ अपराध भूप कछु कीन्हा ॥
चकित बिप्र सब सुनि नभ बानी । भूप गयउ जहँ भोजन-खानी ॥

biprahu sāpa bicāri na dīnhā | nahim̐ aparādha bhūpa kachu kīnhā ||
cakita bipra saba suni nabha bānī | bhūpa gayau jaham̐ bhojana-khānī ||

तहँ न असन नहिँ बिप्र सुआरा । फिरेउ राउ मन सोच अपारा ॥
सब प्रसङ्ग महिसुरन्ह सुनाई । त्रसित परेउ अवनीं अकुलाई ॥

taham̐ na asana nahim̐ bipra suārā | phireu rāu mana soca apārā ||
saba prasaṅga mahisuranha sunāī | trasita pareu avanīṃ akulāī ||