अध्याय 173: आकाशवाणी और ब्राह्मणों का शाप

उपरोहित जेवनार बनाई । छरस चारि बिधि जसि स्त्रुति गाई ॥
माया-मय तेहिं कीन्हि रसोई । बिञ्जन बहु गनि सकइ न कोई ॥

uparohita jevanāra banāī | charasa cāri bidhi jasi struti gāī ||
māyā-maya tehiṃ kīnhi rasoī | biñjana bahu gani sakai na koī ||

बिबिध मृगन्ह कर आमिष राँधा । तेहि महँ बिप्र मास खल साँधा ॥
भोजन कह सब बिप्र बोलाये । पद पखारि आसन बैठाये ॥

bibidha mṛganha kara āmiṣa rām̐dhā | tehi maham̐ bipra māsa khala sām̐dhā ||
bhojana kaha saba bipra bolāye | pada pakhāri āsana baiṭhāye ||

परुसन जबहिँ लाग महिपाला । भइ अकास-वानी तेहि काला ॥
बिप्र-वृन्द उठि उठि गृह जाहू । है बड़ि हानि अन्न जनि खाहू ॥

parusana jabahim̐ lāga mahipālā | bhai akāsa-vānī tehi kālā ||
bipra-vṛnda uṭhi uṭhi gṛha jāhū | hai bar̤i hāni anna jani khāhū ||

भयउ रसोईं भूसुर माँसू । सब द्विज उठे मानि बिस्वासू ॥
भूप विकल मति मोहँ भुलानी । भावी बस आव मुख बानी ॥

bhayau rasoīṃ bhūsura mām̐sū | saba dvija uṭhe māni bisvāsū ||
bhūpa vikala mati moham̐ bhulānī | bhāvī basa āva mukha bānī ||