अध्याय 172: नकली पुरोहित और निमन्त्रण

आपु बिरचि उपरोहित रूपा । परेउ जाइ तेहि सेज अनूपा ॥
जागेउ नृप अनभये बिहाना । देखि भवन बड़ अचरज माना ॥

āpu biraci uparohita rūpā | pareu jāi tehi seja anūpā ||
jāgeu nṛpa anabhaye bihānā | dekhi bhavana bar̤a acaraja mānā ||

मुनि महिमा मन महँ अनुमानी । उठेउ गँवहिँ जेहि जान न रानी ॥
कानन गयउ बाजि चढ़ि तेहीं । पुर नर नारि न जानेउ केहीं ॥

muni mahimā mana maham̐ anumānī | uṭheu gam̐vahim̐ jehi jāna na rānī ||
kānana gayau bāji car̤hi tehīṃ | pura nara nāri na jāneu kehīṃ ||

गये जाम जुग भूपति आवा । घर घर उत्सव बाज बधावा ॥
उपरोहितहि देख जब राजा । चकित बिलोक सुमिरि सोइ काजा ॥

gaye jāma juga bhūpati āvā | ghara ghara utsava bāja badhāvā ||
uparohitahi dekha jaba rājā | cakita biloka sumiri soi kājā ||

जुग सम नृपहि गयउ दिन तीनी । कपटी मुनि-पद रहि मति लीनी ॥
समय जानि उपरोहित आवा । नृपहि मते सब कहि समुझावा ॥

juga sama nṛpahi gayau dina tīnī | kapaṭī muni-pada rahi mati līnī ||
samaya jāni uparohita āvā | nṛpahi mate saba kahi samujhāvā ||