अध्याय 159: तपस्वी का रात रुकने का आग्रह

गै स्त्रम सकल सुखी नृप भयऊ । निज आस्त्रम तापस लेइ गयऊ ॥
आसन दीन्ह अस्त रबि जानी । पुनि तापस बोलेउ मृदु बानी ॥

gai strama sakala sukhī nṛpa bhayaū | nija āstrama tāpasa lei gayaū ||
āsana dīnha asta rabi jānī | puni tāpasa boleu mṛdu bānī ||

को तुम्ह कस बन फिरहु अकेलें । सुन्दर जुबा जीव पर हेले ॥
चक्रवर्ति के लच्छन तोरें । देखत दया लागि अति मोरें ॥

ko tumha kasa bana phirahu akeleṃ | sundara jubā jīva para hele ||
cakravarti ke lacchana toreṃ | dekhata dayā lāgi ati moreṃ ||

नाम प्रताप-भानु अवनीसा । तासु सचिव मैँ सुनहु मुनीसा ॥
फिरत अहेरें परेउँ भुलाई । बड़े भाग देखउँ पद आई ॥

nāma pratāpa-bhānu avanīsā | tāsu saciva maim̐ sunahu munīsā ||
phirata ahereṃ pareum̐ bhulāī | bar̤e bhāga dekhaum̐ pada āī ||

हम कहँ दुर्लभ दरस तुम्हारा । जानत हौँ कछु भल होनिहारा ॥
कह मुनि तात भयउ अँधियारा । जोजन सत्तरि नगर तुम्हारा ॥

hama kaham̐ durlabha darasa tumhārā | jānata haum̐ kachu bhala honihārā ||
kaha muni tāta bhayau am̐dhiyārā | jojana sattari nagara tumhārā ||