अध्याय 160: छिपे शत्रु का कपटजाल

भलेहिं नाथ आयसु धरि सीसा । बाँधि तुरग तरु बैठ महीसा ॥
नृप बहु भाँति प्रसंसेउ ताही । चरन बन्दि निज-भाग्य सराही ॥

bhalehiṃ nātha āyasu dhari sīsā | bām̐dhi turaga taru baiṭha mahīsā ||
nṛpa bahu bhām̐ti prasaṃseu tāhī | carana bandi nija-bhāgya sarāhī ||

पुनि बोले मृदु गिरा सुहाई । जानि पिता प्रभु करउँ ढिठाई ॥
मोहि मुनीस सुत सेवक जानी । नाथ नाम निज कहहु बखानी ॥

puni bole mṛdu girā suhāī | jāni pitā prabhu karaum̐ ḍhiṭhāī ||
mohi munīsa suta sevaka jānī | nātha nāma nija kahahu bakhānī ||

तेहि न जान नृप नृपहि सो जाना । भूप सुह्रद से कपट सयाना ॥
बैरी पुनि छत्री पुनि राजा । छल बल कीन्ह चहइ निज काजा ॥

tehi na jāna nṛpa nṛpahi so jānā | bhūpa suhrada se kapaṭa sayānā ||
bairī puni chatrī puni rājā | chala bala kīnha cahai nija kājā ||

समुझि राजसुख दुखित अराती । अवाँ अनल इव सुलगइ छाती ॥
सरल बचन नृप कै सुनि काना । बयर सँभारि हृदयँ हरषाना ॥

samujhi rājasukha dukhita arātī | avām̐ anala iva sulagai chātī ||
sarala bacana nṛpa kai suni kānā | bayara sam̐bhāri hṛdayam̐ haraṣānā ||