अध्याय 158: कपटमुनि बना पराजित राजा

फिरत बिपिन आस्रम एक देखा । तहँ बस नृपति कपट-मुनि बेखा ॥
जासु देस नृप लीन्ह छड़ाई । समर सेन तजि गयउ पराई ॥

phirata bipina āsrama eka dekhā | taham̐ basa nṛpati kapaṭa-muni bekhā ||
jāsu desa nṛpa līnha char̤āī | samara sena taji gayau parāī ||

समय प्रताप-भानु कर जानी । आपन अति असमय अनुमानी ॥
गयउ न गृह मन बहुत गलानी । मिला न राजहि नृप अभिमानी ॥

samaya pratāpa-bhānu kara jānī | āpana ati asamaya anumānī ||
gayau na gṛha mana bahuta galānī | milā na rājahi nṛpa abhimānī ||

रिस उर मारि रङ्क जिमि राजा । बिपिन बसइ तापस कें साजा ॥
तासु समीप गवन नृप कीन्हा । यह प्रताप-रवि तेहि तब चीन्हा ॥

risa ura māri raṅka jimi rājā | bipina basai tāpasa keṃ sājā ||
tāsu samīpa gavana nṛpa kīnhā | yaha pratāpa-ravi tehi taba cīnhā ||

राउ तृषित नहिँ सो पहिचाना । देखि सुबेष महामुनि जाना ॥
उतरि तुरग तेँ कीन्ह प्रनामा । परम चतुर न कहेउ निज नामा ॥

rāu tṛṣita nahim̐ so pahicānā | dekhi subeṣa mahāmuni jānā ||
utari turaga tem̐ kīnha pranāmā | parama catura na kaheu nija nāmā ||