अध्याय 157: वन में भटककर प्यास से अचेत

आवत देखि अधिक रव बाजी । चलेउ बराह मरुत-गति भाजी ॥
तुरत कीन्ह नृप सर सन्धाना । महि मिलि गयउ बिलोकत बाना ॥

āvata dekhi adhika rava bājī | caleu barāha maruta-gati bhājī ||
turata kīnha nṛpa sara sandhānā | mahi mili gayau bilokata bānā ||

तकि तकि तीर महीस चलावा । करि छल सुअर सरीर बचावा ॥
प्रगटत दुरत जाइ मृग भागा । रिस बस भूप चलेउ सँग लागा ॥

taki taki tīra mahīsa calāvā | kari chala suara sarīra bacāvā ||
pragaṭata durata jāi mṛga bhāgā | risa basa bhūpa caleu sam̐ga lāgā ||

गयउ दूरि घन-गहन बराहू । जहँ नाहिन गज बाजि निबाहू ॥
अति अकेल बन बिपुल कलेसू । तदपि न मृग-मग तजइ नरेसू ॥

gayau dūri ghana-gahana barāhū | jaham̐ nāhina gaja bāji nibāhū ||
ati akela bana bipula kalesū | tadapi na mṛga-maga tajai naresū ||

कोल बिलोकि भूप बड़ धीरा । भागि पैठ गिरिगुहाँ गभीरा ॥
अगम देखि नृप अति पछिताई । फिरेउ महाबन परेउ भुलाई ॥

kola biloki bhūpa bar̤a dhīrā | bhāgi paiṭha giriguhām̐ gabhīrā ||
agama dekhi nṛpa ati pachitāī | phireu mahābana pareu bhulāī ||